Kürdəmirdə iki avtomobil toqquşub, xəsarət alanlar var
Kürdəmir rayonunda xəsarətlə nəticələnən yol-nəqliyyat hadisəsi baş verib.
APA-nın yerli bürosunun xəbərinə görə, Ağsu-Kürdəmir-İmişli yolunun 55-ci kilometrliyində Kürdəmir rayonunun Sor-sor kəndində Lənkəran rayon sakini, 27 yaşlı Çingiz Kələntərovun idarə etdiyi şəkər tozu ilə yüklənmiş “KamAZ” markalı yük maşını ilə İmişli rayon sakini, 65 yaşlı Abosət Səfərovun idarə etdiyi “Opel” markalı minik maşını toqquşub. Nəticədə minik maşınının sürücüsü və sərnişini, 39 yaşlı Qaragilə Şıxalıyeva bədən xəsarətləri ilə Kürdəmir Mərkəzi Rayon Xəstəxanasına yerləşdiriliblər. Hadisə baş verən zaman toqquşma güclü olduğundan hər iki maşın yoldan çıxaraq aşıb. Faktla bağlı araşdırma aparılır.

Xəbər 979 dəfə oxundu.